|
جنگ اُفتا و آهوُ دشت/سي ايل سگوند
|
حيدرخوُوا رحيم خوُ/ وا حوُز دالوند
|
|
خُسرو دِ حوُز حيدر / چه خوُ بِكارهَ
|
تا دُشمن شكَسنيهَ / دَس نوُر دارهَ
|
|
قاطروُن بار كِردهَ/ كهَ جوُ سي چاروُ
|
مالگهَ وَن هووُر لگات/ لوُ چَشمهَ ساروُ
|
|
بِرقكهَ ايل سگوند / دوُ آسموُنهَ
|
کمَر دُشمهَ اشکس / هِی چی کموُنهَ
|
|
دِلیری دِ حوُز حیدر / گَردِ کَشیهَ
|
وِ گموُنم خُسرو / شمشیر کَشیهَ
|
|
تفنگهَ بَلی دالوند / میکهَ دو پوُقهَ
|
مَحسیه خوُ ها میا / او سر شوُقهَ
|
|
مزرعهَ که منصوری / دَس وُ پا گیرهَ
|
دُشمنهَ شکَس دیمهَ / دِ وِرنگیرهَ
|
|
خُسرو شمشیر زنهَ / وِ سر سوُاری
|
سر بِلنگمِ کِردیهَ / کُر دِیاری
|
|
رحیم خوُ وا حیدرخوُ/ هَر دک بِرارَن
|
هم خینَن میدوُن جنگ / همتأی نارَن
|
|
اَسبکهَ زیر پا غُلام / خوُ نشکنهَ جوُ
|
دُشمنموُ زرطلاق بی / ها می کنهَ تووُ
|
|
خُسرو زوُنین بَستهَ / وَ نهَ و دیمهَ
|
قوُشنی پُشت سرش / وِرزیهَ خیمهَ
|
|
جوُمیا متقال اسبیی / چوُغایا لُری
|
دُشمهَ دِ هوُورهَگیر اوُما/ وِ مین گوُری
|
|
چَن روُزه دَرگیر جنگ/جنگ وا عروُوهَ
|
اَسبکهَ کرییم خوُ / خیلی بِروُهَ
|
|
آخمِ سی خُسرو خوُ / قَد بالا رنگی
|
دَشمنهَ تار وُ مار کِرد / او وا زرنگی
|
|
جنگ اُفتا وِ هُماری / هُمار وِر واز
|
حکمی اوُما دَس غُلام/ دوُ شهر اهواز
|
|
آخمِه سی پیایا / سی اوُ رشادت
|
نومُ سگوند مَن دِ دُنیا / تا روُز قیامت
|
|
بیا بَنال تا بَنالیمِ / دِ دَس زموُنهَ
|
روزگار بی ارزشهَ / وا کَسْ نموُنهَ
|
|
چی بوُوهَچی قدیموُ/ و دوُوریک بایم
|
قَدر یک دونسوُویم/دوُس داریک بایم
|
|
کُجا رَت فال چهل سروُ / اوُ شوُنشینی
|
زمسوُ نَم نَم باروُ / دووُار نشینی
|
